Gujarat’s new cabinet: મુખ્યમંત્રી શ્રી ભૂપેન્દ્ર પટેલના અધ્યક્ષસ્થાને રાજ્ય મંત્રીમંડળની બેઠક મળી હતી. આ બેઠકમાં રાજ્ય મંત્રીમંડળના મંત્રીશ્રીઓને તેમના વિભાગોની ફાળવણી કરવામાં આવી હતી.
આ ફાળવણીમાં મુખ્યમંત્રીશ્રી ભૂપેન્દ્ર પટેલને સામાન્ય વહીવટ, મહેસૂલ અને આપત્તિ વ્યવસ્થાપન, માર્ગ અને મકાન, નર્મદા અને કલ્પસર, ખાણ અને ખનિજ, બંદરો, માહિતી અને પ્રસારણ સહિત તમામ નીતિ વિષયક બાબતો ફાળવવામાં આવી છે. જ્યારે નાયબ મુખ્યમંત્રીશ્રી શ્રી હર્ષ રમેશકુમાર સંઘવીને ગૃહ, જેલ, નશાબંધી અને આબકારી, વાહનવ્યવહાર, કાયદો અને ન્યાયતંત્ર, રમતગમત અને ઉદ્યોગ જેવા મહત્વના વિભાગો સોંપાયા છે.
કેબિનેટ અને રાજ્યકક્ષાના અન્ય મંત્રીશ્રીઓને પણ તેમના વિભાગોની ફાળવણી કરવામાં આવી છે. મંત્રીશ્રીઓને ફાળવવામાં આવેલા વિભાગો આ પ્રમાણે છે:
ગુજરાત રાજ્યના મંત્રીમંડળના વિભાગોની ફાળવણી
| ક્રમ | નામ | હોદ્દો | વિષય ફાળવણી |
|---|---|---|---|
| ૧. | શ્રી ભૂપેન્દ્ર રજનીકાન્ત પટેલ | મુખ્યમંત્રીશ્રી | સામાન્ય વહીવટ, વહીવટી સુધારણા, તાલીમ અને આયોજન, બિન નિવાસી ગુજરાતી પ્રભાગ, મહેસૂલ અને આપત્તિ વ્યવસ્થાપન, માર્ગ અને મકાન અને પાટનગર યોજના, નર્મદા અને કલ્પસર, ખાણ અને ખનિજ, બંદરો, માહિતી અને પ્રસારણ, તમામ નીતિ વિષયક બાબતો અને અન્ય મંત્રીશ્રીઓને ન ફાળવેલ વિષયો |
| ૨. | શ્રી હર્ષ રમેશકુમાર સંઘવી | નાયબ મુખ્યમંત્રીશ્રી | ગૃહ અને પોલીસ હાઉસીંગ, જેલ, નાગરિક સંરક્ષણ, ગૃહ રક્ષક દળ અને ગ્રામ રક્ષક દળ, સરહદી સુરક્ષા, નશાબંધી અને આબકારી, વાહનવ્યવહાર, કાયદો અને ન્યાયતંત્ર, રમતગમત, યુવક સેવા અને સાંસ્કૃતિક પ્રવત્તિઓ, સ્વૈચ્છિક સંસ્થાઓનું સંકલન, ઉદ્યોગ, લઘુ, સૂક્ષ્મ અને મધ્યમ ઉદ્યોગો, મીઠા ઉદ્યોગ, છાપકામ અને લેખન સામગ્રી, પ્રવાસન અને યાત્રાધામ વિકાસ, નાગરિક ઉડ્ડયન |
કેબીનેટ મંત્રીશ્રીઓનું લિસ્ટ
| ક્રમ | નામ | હોદ્દો | વિષય ફાળવણી |
|---|---|---|---|
| ૩. | શ્રી કનુભાઇ મોહનલાલ દેસાઇ | કેબીનેટ મંત્રીશ્રી | નાણાં, શહેરી વિકાસ અને શહેરી ગૃહ નિર્માણ |
| ૪. | શ્રી જીતુભાઈ સવજીભાઈ વાઘાણી | કેબીનેટ મંત્રીશ્રી | કૃષિ અને ખેડૂત કલ્યાણ, સહકાર, પશુપાલન, ગૌસંવર્ધન, મત્સ્યોદ્યોગ, પ્રોટોકોલ |
| ૫. | શ્રી ઋષિકેશભાઇ ગણેશભાઈ પટેલ | કેબીનેટ મંત્રીશ્રી | ઊર્જા અને પેટ્રોકેમીકલ્સ, પંચાયત અને ગ્રામ ગૃહ નિર્માણ, વૈધાનિક અને સંસદીય બાબતો |
| ૬. | શ્રી કુંવરજીભાઇ મોહનભાઈ બાવળીયા | કેબીનેટ મંત્રીશ્રી | શ્રમ, કૌશલ્ય વિકાસ અને રોજગાર, ગ્રામ વિકાસ |
| ૭. | શ્રી નરેશભાઈ મગનભાઈ પટેલ | કેબીનેટ મંત્રીશ્રી | આદિજાતી વિકાસ, કુટિર, ખાદી અને ગ્રામોદ્યોગ |
| ૮. | શ્રી અર્જુનભાઈ દેવાભાઈ મોઢવાડિયા | કેબીનેટ મંત્રીશ્રી | વન અને પર્યાવરણ, ક્લાઇમેટ ચેન્જ, વિજ્ઞાન અને પ્રૌદ્યોગિકી |
| ૯. | ડૉ. પ્રદ્યુમનભાઈ ગુણાભાઈ વાજા | કેબીનેટ મંત્રીશ્રી | સામાજિક ન્યાય અને અધિકારિતા, પ્રાથમિક, માધ્યમિક અને પ્રૌઢ શિક્ષણ, ઉચ્ચ અને તાંત્રિક શિક્ષણ |
| ૧૦. | શ્રી રમણભાઈ ભીખાભાઈ સોલંકી | કેબીનેટ મંત્રીશ્રી | અન્ન, નાગરિક પુરવઠા અને ગ્રાહક સુરક્ષાને લગતી બાબતો |
રાજ્ય કક્ષાના મંત્રીશ્રીઓનું લિસ્ટ
| ક્રમ | નામ | હોદ્દો | વિષય ફાળવણી |
|---|---|---|---|
| ૧૧. | શ્રી ઇશ્વરસિંહ ઠાકોરભાઈ પટેલ | રાજ્ય કક્ષાના મંત્રીશ્રી | જળસંપત્તિ, પાણી પુરવઠા (સ્વતંત્ર હવાલો) |
| ૧૨. | શ્રી પ્રફુલ્લભાઇ છગનભાઈ પાનસેરીયા | રાજ્ય કક્ષાના મંત્રીશ્રી | આરોગ્ય, પરિવાર કલ્યાણ અને તબીબી શિક્ષણ (સ્વતંત્ર હવાલો), પ્રોટોકોલ |
| ૧૩. | ડૉ. શ્રીમતિ મનીષા રાજીવભાઈ વકીલ | રાજ્ય કક્ષાના મંત્રીશ્રી | મહિલા અને બાળ કલ્યાણ (સ્વતંત્ર હવાલો), સામાજિક ન્યાય અને અધિકારિતા |
| ૧૪. | શ્રી પરષોત્તમ ઓધવજીભાઈ સોલંકી | રાજ્ય કક્ષાના મંત્રીશ્રી | મત્સ્યોદ્યોગ |
| ૧૫. | શ્રી કાંતિલાલ શિવલાલ અમૃતિયા | રાજ્ય કક્ષાના મંત્રીશ્રી | શ્રમ, કૌશલ્ય વિકાસ અને રોજગાર |
| ૧૬. | શ્રી રમેશભાઈ ભૂરાભાઈ કટારા | રાજ્ય કક્ષાના મંત્રીશ્રી | કૃષિ અને ખેડૂત કલ્યાણ, સહકાર, પશુપાલન, ગૌસંવર્ધન |
| ૧૭. | શ્રીમતિ દર્શનાબેન મુકેશભાઈ વાઘેલા | રાજ્ય કક્ષાના મંત્રીશ્રી | શહેરી વિકાસ અને શહેરી ગૃહ નિર્માણ |
| ૧૮. | શ્રી કૌશિકભાઈ કાંતિભાઈ વેકરીયા | રાજ્ય કક્ષાના મંત્રીશ્રી | કાયદો અને ન્યાયતંત્ર, ઊર્જા અને પેટ્રોકેમિકલ્સ, વૈધાનિક અને સંસદીય બાબતો |
| ૧૯. | શ્રી પ્રવિણકુમાર ગોરધનભાઈ માળી | રાજ્ય કક્ષાના મંત્રીશ્રી | વન અને પર્યાવરણ, ક્લાઇમેટ ચેન્જ, વાહનવ્યવહાર |
| ૨૦. | ડૉ. જયરામભાઈ ચેમાભાઈ ગામીત | રાજ્ય કક્ષાના મંત્રીશ્રી | રમતગમત, યુવક સેવા અને સાંસ્કૃતિક પ્રવત્તિઓ, સ્વૈચ્છિક સંસ્થાઓનું સંકલન, ઉદ્યોગ, લઘુ, સૂક્ષ્મ અને મધ્યમ ઉદ્યોગ, મીઠા ઉદ્યોગ, છાપકામ અને લેખન સામગ્રી, પ્રવાસન અને યાત્રાધામ વિકાસ, નાગરિક ઉડ્ડયન |
| ૨૧. | શ્રી ત્રિકમભાઈ બીજલભાઈ છાંગા | રાજ્ય કક્ષાના મંત્રીશ્રી | ઉચ્ચ અને તાંત્રિક શિક્ષણ |
| ૨૨. | શ્રી કમલેશભાઈ રમેશભાઈ પટેલ | રાજ્ય કક્ષાના મંત્રીશ્રી | નાણાં, પોલીસ હાઉસીંગ, જેલ, નાગરિક સંરક્ષણ, ગૃહ રક્ષક દળ અને ગ્રામ રક્ષક દળ, સરહદી સુરક્ષા, નશાબંધી અને આબકારી |
| ૨૩. | શ્રી સંજયસિંહ વિજયસિંહ મહીડા | રાજ્ય કક્ષાના મંત્રીશ્રી | મહેસૂલ અને આપત્તિ વ્યવસ્થાપન, પંચાયત અને ગ્રામ ગૃહ નિર્માણ, ગ્રામ વિકાસ |
| ૨૪. | શ્રી પૂનમચંદ છનાભાઈ બરંડા | રાજ્ય કક્ષાના મંત્રીશ્રી | આદિજાતિ વિકાસ, અન્ન અને નાગરિક પુરવઠા, ગ્રાહકોની બાબતો |
| ૨૫. | શ્રી સ્વરુપજી સરદારજી ઠાકોર | રાજ્ય કક્ષાના મંત્રીશ્રી | ખાદી, કુટિર અને ગ્રામોદ્યોગ |
| ૨૬. | શ્રીમતિ રિવાબા રવિન્દ્રસિંહ જાડેજા | રાજ્ય કક્ષાના મંત્રીશ્રી | પ્રાથમિક, માધ્યમિક અને પ્રૌઢ શિક્ષણ |
